أعلنت اليوم الإعلامية نوال برّي أنّ الجنوب اللبناني “بات بحاج ة الى من يقف معه بعدما تعب كثيرا من الوقوف مع غزة اللي صارت ركام وناسها عايشين أكبر مأساة بعصرنا”.
وتتقاطع “صرخة” نوال برّي التي لم يعرف عنها اصطفافها ضد “الثنائي الشيعي” يومًا مع ما يهمس به كثيرون من أبناء الجنوب.
وقالت برّي في منشور لها على منصة “أكس”:
“يلي عم يصير بالجنوب مش طبيعي ابدا..يعني تكون بعدك ببيتك وولادك عم يروحوا عالمدرسة وبتجي ضربة مية متر من حد البيت وبتكمل حياتك طبيعي لانّ الاسرائيليّي محددين مين عم يستهدفوا..يلي عم يصير بالجنوب هوّ ناس عم تعيش حرب قاسية كتير ومضطرة تبقى بهيك وضع لان ما بدها تترك بيوتها وتتهجر..كلنا كنا مع مساندة غزة اول فترة للضغط لحتى ما يجتاحوها برّيا..اليوم غزة للاسف صارت ركام وناسها عايشين اكبر مأساة بعصرنا..وللاسف ساحة الجنوب اليوم صارت ساحة اغتيالات وقتل مدنيينو. يلي عم يصير بالجنوب كتير صعب وانشالله يوقف اليوم قبل بكرا..الناس تعبانة كتير ومش عيب ولا عمالة انو الناس تتعب لما ما يكون في نتيجة واضحة للوضع يلي الناس عم تتحملو..الله يحمي اهل الجنوب وكل حدا عم يدافع عن الجنوب..بس الجنوب تعب كتير كتير..عم يدفع ثمن حرب غزة كتير..كنا اول فترة فخورين انو قدرنا نوقف حد غزة. اليوم صار بدنا مين يوقف معنا بالوضع يلي عايشينو بالجنوب.واذا عبرنا عن شو عم نحس ما معناتها عملاء او ضد مقاومة اسرائيل..السكوت بيوجع كتير امرار خاصة بعد مجزرة مبارح بخربة سلم..ناس هربانة من الحدود لحقها القصف وناس وولاد صارت عايشة عالوهلات والصدمات” .
سابقًا
وكانت برّي قد دافعت سابقًا على المنصة نفسها عن حرب مؤازرة غزة الآتي:
لاء عن جد في ناس بالبلد مزعوجة انو لبنان من ضمن “الكرة الارضية” يلي متضامنة مع فلسطين بكرا؟؟!! انا برأيي اذا مزعوجين روحوا خدوا قهوة بكرا بستار باكس وكملوا اعملوا شوبينغ بزارا..انتو بالذات پليز ما تلتزموا بهيدا النهار.
